كتب عبدالرحمن راضي عمران رئيس قسم بالانباء 24الكندية العربية
حوار شيماء بنت قنا مربية العقارب لاستخراج سـ ـمومها وعرض مشروعها الريادي ببرنامج sharktan
انا شيماء من محافظة قنا صاحبه مشروع Serket وشغلي هو إستخلاص سـ ـموم العقارب لأن عندنا كتير قوي بيتصابوا بلـ ـدغات العقارب فلما بدأت اعمل سيرش اتفاجئت ان سـ ـم العقارب بيدخل في علاجات كتير جداً ومواد طبيه كبيرة
فقولت ليه منستفيدش منها وبدأت اغذي العقارب وابتديت بمزرعه عندي ف البيت وبعدها نقلت ف مكان اكبر شويه وفعلا قدرت استخرج السـ ـم وقدرت ابيعه الجرام الواحد من سـ ـم العقرب بيوصل لـ 4000 و 5000 دولار برا مصر
فانا جايه هنا عشان اكبر المعمل ومزرعة عقارب بحيث لما اخاطب شركات الادويه ميبقوش مستصغريني اني جايا اورد كام جرام فانا جايه طالبه مليون جنيه لمشروعي في مقابل 30%
-انتي شكلك حامل يا شيماء انتي جايا من قنا وانتي حامل؟
= انا في الشهر التاسع .. وباقيلي يومين واولد
– ما شاء الله يارب يقومك بالسلامه .. متوقعه مين عميلك ؟
شركات الادوية لان الشركات حاليا بتستورد من برا مصر واحنا للاسف بنصدر العقارب ونروح نجيب الماده الخام من برا مصر
=شيماء انا عايز اعملك عرض عايز اساهم معاكي ف المليون اللي انتي طالباهم ..نص مليون ع سبيل السلفه او القرض بدون فوائد في مده مناسبه للبيزنس والنص التاني مقابل المساهمه في المشروع
انا مش عارفه اقول ايه بجد مش عارفه ارد انا موافقه بس ممكن اخد رأي جوزي هو شريكي وابن عمي وسبب اللي انا فيه انهارده
أسمحيلينا نقوم نسلم عليكي انتي من اكتر الناس اللي اعجبنا بيها ، الف مبروك انا اتعلمت منك حاجات كتير انتي مثال لكل حد بيجري ورا حلمه
_ برنامج Shark Tank مصر هو عبارة عن برنامج يجمع رواد الاعمال والمبدعين بمجموعة رجال اعمال عشان يشوفوا افكار ومشاريع الشباب الطموحين اللي بيدورا على فرصة يبدأوا مشروعاتهم ويكبروا استثمارتهم مع دعمهم
البرنامج هدفه دعم المخترعين والمبدعين ورواد الأعمال المصريين
اللي عندهم أفكار مشاريع ونفسهم يكبروها
وهيتم اختيار أقوى الأفكار وتمويلها من قبل رجال الأعمال
